23
январь
2025
“Біртұтас тәрбие” бағдарламасын іске асыру
Мемлекет басшысы Қ. Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзінде негізгі құндылықтарды атап өткен болатын.Бұл құндылықтар «Біртұтас тәрбие» бағдарламасының негізіне айналды.
2024-2025 оқу жылында “№ 41 ЖОББМ” КММ-де тәрбие жұмысы осы бағдарламаның негізгі ережелеріне сәйкес ұйымдастырылып отыр. Әрбір құндылық оқу процесінде жүйелі түрде көрініс тауып, әр ай тұлғаны қалыптастыруға бағытталған іс-шаралармен қамтылуда. Әр айдың іс-шаралары күнделікті, апта сайын өткізілуде.
2025 жылдың қаңтар айының 23-і күні “№41 ЖОББМ”КММ-де “Біртұтас тәрбие” бағдарламасын іске асыру барысында әр айдың күнделікті, апта сайын өткізілетін іс-шараларының әдіс-тәсілдері” атты ұстаздар мен сынып жетекшілердің қатысуымен коучинг өткізілді.
Күнделікті үзіліс уақытында өткізілетін іс-шара «Өнегелі 15 минут» – ата-аналардың баласымен мінез- құлық және адамгершілік туралы күнделікті 15 минут жеке әңгімелесуін сынып жетекшілерге ситуациялық аудио сұрақтар қойып , кері байланыс ретінде рөлдік көріністермен көрсетулерін сұрады.Тәрбиенің құндылықтарға бағдарланған және құзыреттілік тәсілдерін қолдану барысында қазіргі қоғамның мәселелері -буллинг, кибербуллинг, лудомания, нашақорлық мәселелерін шешу жолдарын талқылады.
“Боялар сыры” әдісін қолдану арқылы әр топқа қазақтың ою-өрнектерін таратып сол оюларды әсемдеп, аттарын табуды, түсініктеме беруді ұсынды.
Оқу-тәрбие процесінде оқушыларға қолайлы жағдай жасауда білім беру ұйымдарының басшылары мен педагогтер басты рөл атқарады. Сондықтан, құндылыққа негізделген әдіс-тәсілдерді дамытудағы олардың рөлі мен әсерін түсіндіре отырып, бағыт- бағдар дәрістерін өткізу жалғасын табады.
#біртұтас_тәрбие #біртұтас_тәрбие_абай_облысы #біртұтас_тәрбие_абай_облысы_семей #апқо_абай_облысы_семей