«Тарих. Тағдыр.Тұлға» тақырыбында 9-11сынып оқушылары арасында дөңгелек үстел ұйымдастырылды

№41 жалпы білім беретін орта мектепте  2025 жылғы 30 қаңтарда  қазақ тілі мен әдебиеті пәндері онкүндігі аясында  мектеп кітапханасында  көрнекті  жазушы Ілияс Есенберлиннің туғанына 110 жыл толуына орай жазушының  шығармашылығы бойынша 9-11сынып оқушылары арасында «Тарих. Тағдыр.Тұлға» тақырыбында дөңгелек  үстел ұйымдастырылды. Мақсаты: оқушыларға  Ілияс  Есенберлиннің  өмір  жолы арқылы   патриотизм үлгісін көрсету, жазушының қазақ әдебиеті мен тарихына қосқан үлесін бағалау  және  шығармаларын  кеңінен  насихаттау.Қазақ тілі мен әдебиеті пәні мұғалімдерінің әдістемелік бірлестік жетекшісі Г.Г.Кайрбаева кіріспе сөз сөйлеп, дөңгелек үстел бағдарламасымен  таныстырды, жазушының өмірі  жайлы  шағын бейнефильм көрсетілді. 9-11 сынып оқушылары «Ілияс Есенберлиннің өмір жолы»,   ««Көшпенділер»трилогиясы: қазақ тарихын көркем бейнелеу»,  ««Алтын орда» трилогиясы: тарих пен әдебиеттің сабақтастығы» тақырыбында баяндамалар оқыды. Дискуссиялық сұрақтар қойылып, қатысушылар өз ойларымен бөлісті. Соңғы бөлімде қорытынды сөз сөйленіп, баяндама жасаған  оқушыларға сертификаттар тапсырылды.