«Нашақорлық және токсикомания зардабы»
Мектеп педагог-психологтары жасөспірімдермен токсикомания туралы әңгіме жүргізді
«№41 жалпы орта білім беретін мектебінде» КММ 14 қазан күні 7-8 сынып оқушыларына, 15 қазан күні 9-10 сынып оқушыларына «Нашақорлық және токсикомания зардабы» тақырыбында мектеп педагог-психологтары Базарова Э.Н., Ташубаева С.А. профилактикалық әңгіме өткізді.
Мақсаты: «Бірінші байлық – денсаулық» деп дана халқымыз айтқандай болашақ еліміздің әрбір азаматын зиянды әдеттерден ішімдік, нашақорлық, шылым шегушіліктен сақтандыру, олардың денсаулыққа, болашақ ұрпаққа жау екендігін түсіндіру, өркениетті елімізге лайықты зиянды әдеттерге қарсы күресетін білімді тұлға тәрбиелеу.
Барысы:
1.Миға шабуыл әдісі: Мені жалғастыр ойыны.......
2.Нашақорлық
3.Токсикомания
3.Шылым шегудің зияны
4. «Даулы бекітілім» жаттығуы
5. «Жағдаятты талдау” аялдамасы
6.Нашақорлық және токсикоманияның алдын алу
7.Қорытынды
Оқушылар профилактикалық әңгіме барысында өз ойларымен бөлісті, көзқарастарын айта білді.
Есірткіге ЖОҚ деп айтуға тұратын басты 10 себеп:
- Еркін өмір сүру, яғни ешқашан басқаның ықпалында болмау;
- Салауатты әрі көркем өмір сүру (спорт, саяхатқа шығу, т.б.);
- Ұзақ өмір сүру және ауырмау;
- Сәнді өмір сүру (қазіргі кездегі сән – денсаулығы мықты болу және бірнеше тілді білу);
- Ақшаны босқа шашпау;
- Болашаққа сенімді болу (білім, мансап, т.б.);
- Әрдайым сымбатты да әдемі көріну;
- Лайықты өмір сапасы (отбасы, достар, үй, т.б.);
- Дені сау ұрпақ;
Нашақорлық — адамзатқа берілген ең ауыр жаза. Нашақорлық - өзін-өзі өлтірудің ең баяу тәсілі, өз өмірін ерікті, ақылды, қабілетті саналы түрде бұзу. Жас достар! Нашақорлыққа қарсы күрес жүргізу біздің қолымызда. Нашақорлыққа ымырасыз болуға шақырамыз барлықтарыңызды!
