«Әлемдік мамандықтар» атты тренинг сабағы

Қаңтардың 23-і «№41 ЖОББМ» КММ-де «Әлемдік мамандықтар» атты тренинг сабағы өткізілді. Тренингке мектептің білім беру процесі аясында 6-сынып оқушылары қатысты.
Мақсаты: балаларға әлемдегі түрлі мамандықтар туралы ақпарат беру, сондай-ақ олардың ерекшеліктері, талаптары мен перспективаларын талқылау болды. Оқушыларды ынталандыру негізінде «Ретпен толтыр», «Мамандықты тап», «Викторина» сынды топтық және жеке ойындар жүргізілді. Кәсіби дағдыларды қалыптастыру мақсатында, оқушыларға жағдаяттық сұрақ беріліп, шешімін табу оқушыларға жүктелінді. Тренинг түйінді сәттерді қысқаша шолумен және қызығушылықтарды ескере отырып, мамандық таңдаудың маңыздылығын еске салумен аяқталды. Оқушылар тақырыпқа белсенділік пен қызығушылық танытып, жағымды кері байланыс берді.