Жалпы мектепішілік ата-аналар жиналысының №2 хаттамасы
Жалпы мектепішілік ата-аналар жиналысының
№2 хаттамасы
Өтілген күні: 18.11.2019 жылы сағат 17.30-да
Қатысқандар:
Мектеп әкімшілігі
Сынып жетекшілер
5-11 сынып ата-аналары
Барлығы – 325 ата-ана
Өтілу түрі: Лекторий
Күн тәртібінде:
1.1 тоқсандағы оқушылардың оқу үлгерімі және тәрбиелік іс-шаралардың қорытындысы туралы
Мектеп асханасының жұмыс істеу тәртібі туралы
Мектеп директоры:Тукенова А.Т.
Мектеп асханасын жалға алушы кәсіпкер Дегенбаева К.
Оқу ісінің меңгерушілері:Балданбаева С.Р.,Королева О.А.
Тәрбие ісінің меңгерушісі:Мукышева Р.К.
2.Оқушылар арасындағы құқық бұзушылықтын, өз-өзіне қол жұмсауды болдырмаудың алдын алу шаралары туралы
Дуйсембекова Д.Д.,мектеп педагог-психологы
3.Мектеп оқушыларының үйлеріне рейд жүргізудің қорытындысы туралы
Тәрбие ісінің меңгерушісі:Мукышева Р.К.
4.Көп балалы отбасы мен аз қамтылған отбасы балаларына көрсетілетін көмек туралы
Тәрбие ісінің меңгерушісі:Мукышева Р.К.
5.Сыбайлас жемқорлық бойынша жүргізілген жұмыстар туралы
Шыныбаев Д.К., «Адал Ұрпақ» клубының жетекшісі
6.Үйірмелер мен спорттық секциялар туралы
Терехина Н.В.,Курманбаева А.М.,Тускенов Е.Е., бірлестік жетекшілері
7.Жаңа жылдық мерекелерді ұйымдастыру және өткізу туралы
Мукышева Р.К.,тәрбие ісі орынбасары
8.Сынып ата-аналар жиналысы
Тыңдалды:
1.Бірінші сұрақ бойынша мектеп директоры Түкенова Айгүл Тұрсынқызы, ата-аналармен сәлемдесіп, жиналыстың күн тәртібімен таныстырған соң еңбек және халықты әлеуметтік қорғау мекемесінен келген маманға,мектеп асханасын жалға алушы кәсіпкер Қ.Т.Дегенбаеваға және мектеп полиция инспекторы Ф.Ж.Нұрғалиеваға сөз берді.
Еңбек және халықты әлеуметтік қорғау мекемесінің маманы:
Қазақстан үкіметі 2020 жылдан бастап көп балалы отбасыларға жәрдемақыны көбейтіп,табысы аз отбасыларға берілетін атаулы әлеуметтік көмек беру тәсілін өзгертуді ұсынғаны туралы толық ақпарат берді.Бұл жоба бойынша , 2020 жылдың 1 қаңтарынан бастап балалары 18 жасқа толмаған көп балалы отбасыларға табысына қарамастан 42 500 теңгеден 73 375 теңгеге дейін жәрдемақы берілетіні туралы,алайда мұндай отбасылардағы жұмысқа жарамды адамдардың барлығы әлеуметтік келісімшарт арқылы еңбекпен қамту орталықтарымен белсенді жұмыс істеуі тиіс екенін айтты.
Мектеп асханасын жалға алушы кәсіпкер Қ.Т.Дегенбаева:
Мектеп асханасын жалға алып жұмыс жасап жатырмын.Толықтай жөндеу жұмыстарын жасадық.Асханадан барлық оқушылар мен ұстаздарға тамақ дайындалады.Мемлекет тарапынан жалпы оқу қорынан 158 бала тегін тамақпен қамтылса.15 оқушы кәсіпкердің өз қаражатымен тамақтандырылады.1 сынып ата-анасы тарапынан сұрақ болды.Ата-ана неге мен 1 сыныпта оқитын қызыма күнделікті 120 теңге төлейтіні туралы айтты.Ал сіздер 100 теңге деп айтасыздар.Айырмашылықты түсіндіріп беріңіз деді.Бұл мәселе туралы анықтау жұмыстары жүргізіліп,алдағы уақытта дұрыс жолға қойылатыны туралы уәде берді.
Мектеп инспекторы Нұрғалиева Ф.Ж. сөз алды:
Мектеп инспекторы ата-аналардың балалары алдындағы жауапкершілігі туралы атап айтты.Жасөспірімдер арасындағы қылмыстың басты себебі- ата-ананың баланың оқуы мен тәрбиесіне төмен жауапкершілігінен.Жасөспірімдер арасындағы қылмыстың басым көпшілігі қолайсыз отбасыларына,аз қамтылған әлеуметтік жағдай жасалмаған отбасы балаларына келетіні сөзсіз.Бұл да жасөспірімдер арасындағы қылмыстың өсуінің негізгі факторларының бірі.
Мектеп директоры Түкенова А.Т. сөз алды:
Биылғы 2019-2020 оқу жылының 1 тоқсандағы оқушылардың оқу үлгерімі қорытындысымен таныстырып өтті.Қорытынды бойынша қанша оқу озаты,оқу екпіндісі болғанын,оқушылар үлгерімінің пайыздық көрсеткіштерімен таныстырды.Тоқсан аяғындағы оқушыларды қорытынды бақылау жұмыстарының өту,орындалу барысын толықтай баяндап берді.Ата-аналар тарапынан сұрақтар болған жоқ.
2.Екінші сұрақ бойынша өз-өзіне қол жұмсауды болдырмаудың алдын алу шаралары туралы мектеп педагог-психологы арнайы презентация,видеороликтер көрсетіп,ата-аналарға пайдалы кеңестер берді.
3.Үшінші сұрақ бойынша тұрмыстық қиын жағдайда қалған отбасындағы оқушылардың жағдайын бақылап,тексеру мақсатында ата-аналар комитетімен,мектеп инспекторы және ұстаздардан бірлескен патрульдік рейд құрылып,оқушылардың үй-тұрмыс жағдайын тексерген қорытынды туралы тәрбие ісі орынбасары Мукышева Р.К. айтып өтті.
4.Бесінші сұрақ төңірегінде сыбайлас жемқорлықтың алдын алу шаралары,оқушылар арасында сыбайлас жемқорлық мәселелерін түсіндіру мақсатында «Адал Ұрпақ» клубы мүшелерімен атқарылған жұмыстар қорытындысы туралы клуб жетекшісі Шыныбаев Д.К. айтып өтті.
5.Алтыншы сұрақ бойынша мектепте өткізілетін сабақтан тыс үйірмелер мен спорттық секциялардың өту және орындалу барысымен бірлестік жетекшілері 1 тоқсанда өтілген жұмыстар туралы ата-аналар алдында фотоотчетпен,слайдтармен есеп берді.
6.Жаңа жылдық мерекелердің ұйымдастыру барысы туралы тәрбие ісі орынбасары Р.К.Мукышева , барлық ертеңгіліктер мен маскарадтар мектеп акт залында,спорт залында тегін ата-аналар мен ұстаздардың ұйымдастыруымен өтетінін айтып өтті.Ата-аналар тарапынан сұрақ болған жоқ.
Шешім:
- Оқушылардың 1 тоқсандағы үлгерімі мен тәртібінің қорытындысы қанағаттанарлық деп есептелсін
- Мектеп асханасының жұмысы қанағаттанарлық деп,алдағы уақытта асханада оқушыларды тамақтандыру барысын жандандырып,бақылау күшейтілсін.
- Көп балалы,аз қамтылған,тұрмыстық қиын жағдайда қалған отбасыларға көмек көрсету белгілі бір бағытта,жоспарлы түрде іске асырылып отырсын
- Өз өзіне қол жұмсаудың алдын алу мақсатында жүргізілген жұмыстар қанағаттанарлық деп есептелсін
- Сыбайлас жемқорлықтың алдын алу барысында атқарылып жатқан жұмыстар , «Адал Ұрпақ» клубының жұмысы жоспарлы түрде іске асырылып,алдағы уақытта жұмыстың жүру,өту барысы жандандырылсын
- Мектептегі үйірмелер мен спорттық секциялар жұмысы жоспарлы түрде іске асырылып,сабақтардың өту барысы қатаң қадағалауға алынсын.
- Жаңа жылдық ертеңгіліктер мен балдық маскарадтар ата-аналар,оқушылар және ұстаздардың ұйымдастыруымен мектеп қабырғасында өткізілсін.
Жиналыс төрайымы: /Түкенова А.Т./
Жиналыс хатшысы: /Мукышева Р.К./