«Қош келдің, Наурыз!»

2022 жылы 16 наурызда  «№41 жалпы орта білім беретін мектебі» КММ-де 22 наурыз Ұлыстың ұлы күніне арналған 1-4 сыныптар арасында «Қош келдің, Наурыз!» атты мерекелік іс-шара ұйымдастырылды. 

Іс-шараның мақсаты: Наурыз мерекесі жайлы түсінік беру, қазақтың салт-дәстүрлері, әдет-ғұрыптары жайында мағлұматтармен оқушыларды таныстыру.

Іс-шара барысында құттықтау сөз мектеп директоры Тукенова Айгуль Турсыновнаға берілді. Бұл іс-шара әр параллель үшін жеке-жеке, алдын-ала дайындалған сценарий бойынша жүргізілді.

 Мереке басталар алдында Қыдыр ата келіп, оқушыларға ақ тілек, батасын берді. Ұлыстың ұлы күні Наурыз мерекесіне байланысты әр сынып оқушыларының қолөнер бұйымдарынан көрме ұйымдастырылды. Әрбір сынып ұлттық тағам түрлерін жасап әкеліп, көрермендерге таныстырды. «Бесікке салу», «Тұсау кесу» сияқты салт-дәстүрлерден шағын көріністер көрсетілді. Ұлттық ойындар «Асық ату», «Қыз қуу» ойнатылып, әжелер шашу шашты. Іс-шара барысында ән айтылып, би де биленді. Барлық сынып оқушылары қазақтың ұлттық киімінде болып, мерекенің қуанышты да әсерлі өтуіне атсалысты.