«Қош келдің, әз Наурыз!» мерекесі

2018 жылдың 16-17 наурыз күндері №41 жалпы орта білім беретін мектептің шағын орталық және мектепалды даярлық топтары мен 1-11сынып оқушылары арасында көктем мерекесі,Ұлыстың Ұлы күні Наурыз мерекесін қарсы алуға орай «Қош келдің әз Наурыз!» атты мерекелік бағдарлама өткізілді. Мерекелік іс шара аталған сыныптардың жетекшілігі және директордың тәрбие ісі жөніндегі орынбасары Габдуллина Р.Қ. жетекшілігімен өтті. Мерекеге барлығы 600 дей оқушы, 220 шақты ата-ана қатысты. Бағдарлама шымылдығын директордың тәрбие ісі жөніндегі орынбасары Рымгүл Қабылханқызы Габдуллина құттықтау сөзбен ашып, жаңадан төрге кірген жаңа жылдың оқушы, ата-ана, ұзтаздар үшін табысты болуын тіледі. Наурыз мерекесінде сынып оқушыларымен бірге ата-аналары қоса белсенділікпен қатысты. Атап айтсақ, ата-аналар арасынан жаңа жылға арнап шашу шашып, сондай-ақ ұлттық дәстүрімізді болашақ ұрпақ бойына сіңіру мақсатында ата-аналар бесікке салу, тұсау кесу дәстүрлерін сахналап көрсетті. 2-сынып оқушылары Қазақстанда тұратын әр түрлі ұлт өкілдері атынан наурыз мерекесіне дайындаған әдеби монтажы мереке шашу болды. Жоғарғы сынып оқушылары көрсеткен халқымыздың «Бастаңғы» дәстүрі көрермендердің көңілінен шықты. Әр сыныптан оқушылар ән салып, би билеп, ұлттық ойындар ойнап өз өнерлерін ортаға салды. Мерекелік іс шараның сәнін ұлттық киім киген оқушылар мен ұлттық нақышта безендірілген сахна аша түсті.

Мерекелік іс шара соңынан оқушылар сынып ата-аналары ұйымдастырған наурыз көжеден ішіп, наурыз дастарханынан дәм татты.