ЖАС МАМАНДАРҒА АРНАЛҒАН WORKSHOP ӨТКІЗІЛДІ

    «Білімділік шеңбері мектептері» жобасы аясында, жас мамандарға әдістемелік қолдау көрсету, олардың әлеуетін көтеру мақсатында ағымдағы жылдың 7 ақпанында «№41 жалпы орта білім беретін мектебі» КММ «Жас маман - жақсы істің жаршысы» тақырыбында жас мамандарға арналған  аймақтық workshop өткізілді. Келген жас мамандарды қарсы алу “Coffee break” арқылы ұйымдастырылды. Аталмыш шараға 20-ға жуық жас маман қатысып, педагог-сарапшы, педагог-зерттеуші педагогтердің сабақтарына қатысып, білім қоржындарын толықтырды. Атап айтсақ, қазақ тілі мен әдебиеті пәні мұғалімдері Б.К.Амирова және Г.Г.Каирбаева іс-тәжірибесімен бөлісіп пән бойынша ашық сабақ өткізді. 

   Workshop аясында жас мамандарға сабақты жоспарлаудағы тиімді әдіс-тәсілдер, психологиялық тренингтер ұсынылды. Сонымен қатар, «Біртұтас тәрбие» бағдарламасының 6 құндылығын сабаққа ұтымды кіріктіру туралы әдістемелік көмек берілді. Коучинг сессиясы мектеп педагог-психологы Ж.Т.Базельжановтың жағымды психологиялық ахуал орнатуымен басталып, алдын ала дайындалған спикерлер Д.А.Исабекова, Н.В.Терехина, К.Б.Джакыпова, Е.Ж.Тусупбекова жұмыстарымен өз жалғасын тапты.  Іс-шара соңында жас мамандар жағымды кері байланыспен тарқасты. 

   Ұйымдастырушылар: Мектеп директорының оқу жұмысы жөніндегі орынбасарлары С.Р.Балданбаева, Е.Е.Лауенов, К.М.Батырканова.

#біртұтас_тәрбие #біртұтас_тәрбие_абай_облысы #біртұтас_тәрбие_абай_облысы_семей