Оқушылардың топтық жұмысын тиімді ұйымдастыру

Шығыс Қазақстан облысы білім басқармасы Семей қаласы бойынша білім бөлімінің «№41 жалпы орта білім беретін мектебі» коммуналдық мемлекеттік мекемесі 19 қараша 2021 жылы серіктес мектептер арасында құрылған жоспар бойынша «Оқушылардың топтық жұмысын тиімді ұйымдастыру» тақырыбында жас мамандар арасында кезекті онлайн коучинг – сессиясын ұйымдастырып өткізді. Коучинг мақсаты: топтық жұмысты тиімді ұйымдастыру арқылы мәселелерді бірлесе шешу, бірлесе білім алу, ынтымақтастық орта қалыптастыру. Топтық жұмыстың оқу үрдісіндегі тиімділігі туралы қалыптастыру. Коучинг – сессияға №48, Озерка орта мектеп жас мамандары шақырылды.  №41 мектеп ағылшын тілі пәні мұғалімі, педагог зерттеуші Разуева Б.Т. коучинг барысында топтық жұмысты ұйымдастыру туралы теориялық мағлұмат берді. Тәжірибе барысында ұстаздар бейнеролик  тамашалап, топтық жұмыстың ережелерін құрап, топтағы оқушылардың рөлдерін анықтады. Топпен жұмыс жасаудағы мұғалімнің қызметін талқылады. Семинарға серіктес мектептер мұғалімдері қызығушылықпен белсене қатысып, берілген жүйе бойынша өз ойларымен бөлісіп, қашықтықтан кері байланыс жасады.