1 – желтоқсан Тұңғыш Президент күніне арналып өткізілген «Қазіргі Қазақстан. Елбасының көшбасшы сабақтары» атты Республикалық бірыңғай ашық тәрбие сағатыны туралы
Тұңғыш президент күні 2011 жылдың 10 желтоқсанында парламент сенатының толық отырысында қол қойылып, бүкіл елден қолдау таба білген мереке. Бұл мемлекеттік деңгейде аталып өтілетін мейрамның маңызы да ерекше. Тарихы да тереңде жатыр. 1991 жылдың 1 желтоқсанында тұңғыш рет қазақ даласында Президент сайлауы болып өтті. Міне, осынау тарихи күні қазақтың маңдайына Нұрсұлтандай ұлт перзентін жазды. Ол елге тәуелсіздік сыйлаған тұлға ретінде де үлкен құрметке ие. Біздің еліміздің шыңға өрлеп, бүкіл әлем мойындаған ел болуы аянбай еңбек еткен басшымыздың арқасы екенін бүгінде баршамызға аян. Бұл мерекенің тойлануының өзіндік ұлтқа берері мол. Осы мереке арқылы жас ұрпақ Тәуелсіз Қазақстанның тарихын танып, оның ел болып қалыптасу жолында қандай тұлғаның аянбай еңбек еткенін жадында сақтауына үлесін қосады. 1-желтоқсан Қазақстанның шежіресінде үлкен мәнге ие, сондықтан аталмыш датаның Тұңғыш Президент күні ретінде тойлануы заңды құбылыс деп тани отырып «№ 41 жалпы орта білім беретін мектеп» КММ 3 – сыныптар арасында «Қазіргі Қазақстан. Елбасының көшбасшы сабақтары» атты Республикалық бірыңғай ашық тәрбие сағаты өткізілді. Аталған іс – шараға арнайы жоспар құрылып, жоспарға сәйкес Елбасының сара жолы жайлы оқушыларға баяндама оқылып, бейнеролик көрсетілді. Оқушылар тарапынан арнайы Елбасыға арналған өлең – жырлар айтылып, қазақ халқының ұлттық биі биленді. Оқушылар тәрбие сағатынан жақсы әсер алып, Отанға деген сүйіспеншіліктері арта түсті деген ойдамыз.
