Қайым Мұхамедханов атындағы қалалық волейбол турнирі » Средняя общеобразовательная школа № 41
Абай облысы білім басқармасының
Семей қаласы білім бөлімінің
"№41 жалпы орта білім беретін мектебі"
коммуналдық мемлекеттік мекемесі
Қабылдау бөлімі :
+7(72) 33-04-00
Есепші бөлімі:
+7(72) 36-05-16
Нашар көрушілер
нұсқасы
» » Қайым Мұхамедханов атындағы қалалық волейбол турнирі
18
январь
2023

Қайым Мұхамедханов атындағы қалалық волейбол турнирі

   2023 жылдың 18 қаңтарында «№41 жалпы орта білім беретін мектеп» КММ-да белгілі   ғалым, абайтанушы, ұстаз, ақын, жазушы, драматург, әдеби аудармашы, қоғам қайраткері  Қайым  Мұхамедханов атындағы қалалық  волейбол   турнирі  өткізілді. Дәстүрге сай   Қайым Мұхамедханұлының  туғанына 107 жыл толуына орай ұйымдастырылып отырған қалалық  волейбол турниріне жазушының  ұлдары Қанағат Қайымұлы, Дегдар Қайымұлы  және   Шәкәрім атындағы Семей мемлекеттік университетінің  қоғаммен   байланыс  кеңесінің жетекшісі Ерлан Айтмұхаметұлы Кеңесбаев, қалалық Қоғамдық кеңес мүшесі, ,«Геодезия және картография»  колледжінің директоры Қаныш Мақсұтұлы Тулеев, қалалық Қоғамдық кеңес мүшесі,                                         «Вайт дент» клиникасының директоры Нұржан Бақытжанұлы Оспанов, «Арлан» аула клубының жетекшісі Сарқыт Жұмаханқызы Кеңесбаева қатысты. 

Басты мақсат- тарихи  тұлғаларымызды құрметтеу, жастарды патриотизмге тәрбиелеу, салауатты өмір салтын  насихаттау. Қазақтың қайсар ұлдарының бірегейі  Қайым   Мұхамедхановтың   өмірі мен  ғылыми қызметі бүгінгі жастарға үлгі, өнеге. Кешегі мен осы күнді жалғаған алтын көпір – Қайым Мұхамедхановтың мол мұрасы. 

   «Өлмейтұғын артына сөз қалдырған» атты салтанатты ашылу сәтінде  мектеп директоры Айгүл Тұрсынқызы Тукенова  және қонақтар құттықтау сөз сөйледі, жарысқа қатысып отырған «Дастан», «Арлан», «Олимп» аула клубтарына сәттілік тіледі.

 «Абай әлеміне саяхат» клубының мүшелері Абай өлеңдерін жатқа оқыды.  6 «Б» сынып оқушысы Абдрахман  Дильнураның орындауында   «Көзімнің қарасы», 7 «А» сынып оқушысы Маулыбекова Еркеназдың орындауында   «Желсіз түнде жарық ай» әндері орындалды. Мектептің   тарих пәнінің мұғалімі Маңғазы Нұртай  Қайым Мұхамедханов рөлін сомдап, монолог оқыды.  

 7 «А» сынып оқушысы Нұрбек Рабил  Қайым Мұхамедханұлына арналған  Несіпбек Айтұлының   «Іздемеске бола ма?»  атты арнау өлеңін оқыды. 9-10 сынып оқушылары «Арттағыға сөзің мен ісің қалса, өлсең де өлмегенмен боласың тең» деген Абайдың сөздеріне әбден лайықты жанның келбетін танып, рухына тағзым етті.  Әрі қарай турнир мектептің спортзалында жалғасын тапты, қонақтар мектептің «Мәңгілік Ел»  кабинетінде   қазақ тілі мен әдебиеті  пәні мұғалімі  Д.К.Шыныбаев  пен тарих пәнінің мұғалімі Н.С.Маңғазы  ұйымдастырған «Ұстаз бен шәкірт»  тақырыбындағы ғылыми конференцияға қатысты. Онда 10 «А» сынып оқушысы Абылкаятова Мадина және 7 «Б» сынып оқушысы Советқали Нұржан өз жобаларын қорғады.  Конференция қонақтарына «Жас сарбаз» сыныбының оқушылары өз сұрақтарын қойды. Соңында жазушының ұрпақтары оқушыларға алғыстарын білдіріп, арнайы кітапшаға тілектерін жазды.  Турнир аяқталған соң, мектептің акт залында марапаттау рәсімі өтті. Сайыс қорытындысы бойынша Қайым Мұхамедханұлының  туғанына 107 жыл толуына орай ұйымдастырылып отырған қалалық   волейбол турнирінің  кубогы «Дастан» командасына бұйырды. «Арлан» командасы 2-орынды, «Олимп» командасы 3-орынды  иеленді. Жарыс жеңімпаздары мақтау қағаздарымен марапатталып, естелік фотоға түсті. Қайым Мұхамедханов  еңбегін   насихаттау  Қайым үшін емес, болашақ жастар үшін керек. Ендеше, бұл іс-шаралар алдағы уақытта  жал­ғасын таба бермек. 

Прокомментировать
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Введите код с картинки:* Кликните на изображение чтобы обновить код, если он неразборчив