«Наурыз - жыл басы» атты наурыз мерекесі
Наурызмейрамы - көне дәстүр сабақтастығының белгісі саналатын, ұлттық мәдениетіміздің қайта түлеген ерекше мерекесі. Халық арасында бұл мереке ұлттық таным бойынша үйге жыл бойы молшылық пен сәттілік әкеледі деген сенім бар.
Наурыз-көктем мерекесі.Наурыз – бақыттың бастамасы, жақсылықтың жаршысы, өмірге нұр сыйлаған, сезімге гүл сыйлаған, халық қастерлейтін күн.
2023 жылы 13 наурыз күні «№ 41 ЖОББМ»КММ-де 1-2 сыныптар арасында «Наурыз - жыл басы» атты сыныптан тыс іс-шара өткізілді.
Мақсаты: Ұлыстың ұлы күні Наурыз мерекесі туралы білімдерін тереңдету. Оқушылардың тілін, мәнерлеп өлең оқу, ән салу, би билеу, сөйлеу мәдениетін, сөздік қорын дамыту. Оқушыларды елін сүюге, дәстүрлі мерекелерді құрметтей білуге тәрбиелеу.
Мереке барысында оқушылар мен ұстаздар қазақтың ұлттық дәстүрінен көріністер көрсетіп, ұлттық ойындарын ойнатты, ән айтып, би билеп берді.
Халық аңызы бойынша бұл күні Қыдыр баба барлық босағаны аттап, төрге шығып,бақыт,мерей,қуаныш әкеледі екен.Қыдыр баба елге тек жақсылық әкелетін, жақсылыққа бастап, қолдап жүретін ұлы бейне.Сондықтан Ұлыстың Ұлы күнінде өзінің игілікті істерін көрсетіп,оқушыларымыз Қыдыр атадан бата алды.Артынан Қыдыр Баба тілек айтып, Ақ әжелер дәстүр бойынша балаларға шашу шашты.
Мерекелік дәстүрге сай оқушылар мен ұстаздар қазағымыздың дархан дастарханынан 7 түрлі дәмнен дайындалған наурыз көжеден дәм татты. Дастархан басында қонақтарымыз, алдағы жылдың табысты болуына тілектер айтты.


