Ата-аналарға арналған шеберлік - сыныптар.
2018 жылдың 11 мамыр күні №41 жалпы орта білім беретін мектепте қалалық білім бөлімінің хаты негізінде 0,4,6 сынып ата-аналарына арнап критериалды бағалау жүйесінің ерекшеліктерін түсіндіру мақсатында жаңартылған білім мазмұны бойынша шеберлік - сыныптар өткізілді.
№41 жалпы орта білім беретін мектеп директоры А.Т.Түкенованың ұйымдастыруымен өткізілген шеберлік сыныптың мақсаты ата-аналарға келесі 2018-2019 оқу жылында биылғы 0,4,6 сыныптар жаңартылған білім беру бағдарламасымен оқытылатын болғандықтан осы сынып ата-аналарын және оқушыларды жаңа бағдарламаға сай өзгеріске даярлау . Осыған арналған ашық сабақ үлгілері орыс тілі, Қазақстан тарихы, қазақ тілі, дүниетану, математика, биология, химия, ағылшын тілдері пәндері бойынша шеберлік сабақтары көрсетілді. Шеберлік - сыныпқа аталған сынып ата-аналары толықтай келіп оқушы ретінде сабақтарға белсене қатысты. Сондай –ақ ата - аналар өздерін толғандырып жүрген сұрақтарын қойып, өзара пікір алмасты. Ата-аналарға сыныпта жасалатын жұмыс түрлері, топпен, жұппен, жеке жұмыс істеу үлгілері көрсетіліп, бағалау түрлері таныстырылды. Ашық сабақтардан кейін барлық сынып ата-аналары мектеп акт залына жиналып шеберлік сынып жұмысы туралы рефлексия жасалды. Ата-аналар мектеп әкімшілігіне, сабақ үлгілерін көрсеткен пән мұғалімдеріне ризашылықтарын білдіріп,алғыс айтты.
2018-2019 оқу жылы жаңартылған білім беру бағдарламасымен оқитын 0,4,6 сынып ата-аналарын келесі оқу жылына бірлесе дайындалу мақсатында өткізілген шеберлік - сынып өз мақсатында жоғары деңгейде өтті.
