«Мектеп оқушыларын зерттеушілік жұмыстарға бейімдеу» шеберлік сағаты

Шығыс Қазақстан облысы білім басқармасы Семей қаласы бойынша білім бөлімінің «№41 жалпы орта білім беретін мектебі» коммуналдық мемлекеттік мекемесі 27 қаңтар 2022 жылы серіктес мектептер арасында құрылған жоспар бойынша «Мектеп оқушыларын  зерттеушілік  жұмыстарға бейімдеу» тақырыбында шеберлік сағаты өткізілді. 

 Мектепішілік   Дарын орталығының координаторы, физика пәні мұғалімі Ш.К.Абильмажинова №41 орта мектебінің «Болашақ» қоғамдастығының ережеге сәйкес жұмыс жоспары,  «Жас  зерттеуші» мектепішілік ғылыми-практикалық конференциясының жетістіктері бойынша өткізілген  іс-шаралар  туралы ақпарат берді.  

Республикалық   ғылыми   жобалар  конкурсының қалалық кезеңінде І орын, облыстық  кезеңінде сертификатпен марапатталған 11 «А» сынып Амангазина Асель өз жобасымен таныстырды.

  Шеберлік сағатына  №48, Озерка орта мектеп пән  мұғалімдері қатысты.    Серіктес мектептер мұғалімдері қызығушылық танытып, берілген жүйе бойынша өз ойларымен бөлісіп, қашықтықтан кері байланыс жасады.