Бастауыш сынып он күндігі аясында мектепішілік пәндік олимпиада

2023 жылдың 29 қарашасында бастауыш сынып он күндігі аясында математика, орыс тілі, жаратылыстану, ағылшын тілі, қазақ тілі, бейнелеу өнері пәндері бойынша 3 сыныптар арасында мектепішілік олимпиада өтті. Оның мақсаты – мектеп оқушыларының әртүрлі пәндерді оқуға деген ынтасын дамыту. Барлық қызығушылық танытқан оқушыларға бәсекелестік ортада белгілі бір  пәндерден білімін тексеруге мүмкіндік беру. Оқушылардың қабілеттері мен қызығушылықтарын жүзеге асыруға жағдай жасау.
2023 жылдың 30 қарашасында 4-сыныптар арасында базалық пәндер бойынша да мектепішілік олимпиада өтті. Әр пән бойынша әр сыныптан 2 оқушыдан қатысты. Мектепішілік олимпиаданың қорытындысы бойынша барлық қатысушылар жақсы нәтиже көрсетті. Олар алдағы уақытта қалалық олимпиадада білім, білік, дағдыларын көрсетуі тиіс.