Қашықтықтан білім беру туралы

Еліміздегі пандемиялық жағдайға байланысты білім беру ұйымдарының педагогтары 2020-2021 оқу жылында 5-11 сыныптар аралығында қашықтықтан оқытуды бастады. Мектебіміздің барлық мұғалімдері білім беру стандартына сәйкес болуы үшін НЗМ ұйымдастыруымен «Қашықтықтан оқытуды үйренемін» қайта даярлау курстарын аяқтады. Оқу жылының басында мұғалімдер мен оқушылардың барлық байланыс, техникалық құралдары мен интернет желісінің бар болуы жөнінде мәлімет алынды. Білім беру үрдісін жүзеге асыру мақсатында келесі платформалар таңдалынып алынды: Bilim Land, Online mektep, Kundelik.kz. Сабақтар бекітілген сабақ кестесіне сәйкес синхронды және асинхронды форматта жүргізіледі. Синхронды оқыту кезінде Online mektep, Skype, Zoom қолданылса, асинхронды оқытуда What’s App. желісі арқылы оқушылармен кері байланыс жасалып отырады. Оқушыларға берілетін оқу тапсырмалары әр сыныптың жас ерекшеліктеріне сай келеді. 

Биылғы оқу жылының ерекшелігі оқушылардың білім деңгейін реттеу, қадағалау, бақылау мақсатында 10 баллдық жүйеде қалыптастырушы бағалау енгізілді. Бастапқы кезде болған қиындықтар мен мәселелер шешімін тауып келеді, оқушылар өзіндік білім алуын жетілдіріп, ұстаздармен өзара қарым-қатынасын дамытады. Мұғалімдер өз қызметтеріне жауапкершілікпен қарап, міндеттерін абыроймен атқаруда.